JE WAJUA?

Frt. David Matona Kelvin

valerianakelly1gmail.com

Je wajua?

Je, waijua halmashauri kuu ya Shirika la Wamisionari wa Bikira Maria Consolata? Mwaka jana (2011) mwezi wa 5 wamisionari wa Consolata walifanya mkutano mkuu (General Chapter) Ni baada ya mkutano huo mabadiliko ya halmashauiri kuu ya Wamisionari wa Consolata yalifanyika. Pd. Stefano Camerlengo (Mwitaliano) ndie Padre Mkuu wa Shirika na Padre Dietrick Pendawazima (Mtanzania) ndiye msaidizi wake. Mabadiliko hayo yaliendelea mpaka katika ngazi ya kanda (regions). Kwa kanda ya Tanzania Pd. Salutaris Lello Massawe ndiye mkuu wa shirika akisaidiwa na Pd Sandro Nava!

Je wajua?

Je, wajua kuhusu seminari kuu na nyumba za wanavosi za wamisionari wa Consolata?

Wamisionari wa Consolata wanafanya kazi katika nchi zifuatazo; Tanzania, Kenya, Uganda, Congo DRC, Msumbiji, Afrika ya Kusini, Venezuela, Colombia, Brazil, Hispania,

 Hapa Tanzania ipo seminari kuu (Allamano Seminari –Morogoro) ambapo waseminari wanafanya malezi ya awali na masomo ya falsafa. Nchini Kenya nyumba ya wanovisi ipo Sagana pia ipo Seminari kuu katika jiji la Nairobi hapo waseminari wanasoma masomo ya tauhidi (theology) na falsafa pale Consolata Philosophicum. Nchini Congo kuna seminari ya Tauhidi katika jiji la Kinshasa. Na hapo hapo Kinshasa kuna Seminari kwa ajili ya Propadeutics na Falsafa pale Mont-Ngafula. Katika nchi ya Msumbiji, kati mji wa Maputo ipo seminari ya Falsafa pale Matola na novisiato mjini Maputo. Katika nchi ya Afrika Kusini ipo seminari Kuu katika mji wa Merrivale jijini Durban  hapo masomo ya tauhidi yanafanyika. Nchini Colombia ipo seminari kuu ya masomo ya tauhidi katika mji wa Bogota’. Nchini Brazil seminari kuu ya masomo ya tauhidi  ipo katika jiji la San Paul. Katika mji wa Martin Coronado (Buenos Aires)  nchini Argentina ipo nyumba ya wanovisi. Nchini Italia ambako ndiko makao makuu ya shirika masomo ya tauhidi yanafanyika katika seminari kuu iliyopo katika mji wa Roma (eneo la Bravetta) nyumba ya wanavosi ipo Bedizzole (Brescia). Seminari ya falsafa ipo  Alpignano (Torino)